Səid Nəcəfzadə “bürünc”ü “qızıl”a çevirdi

T12 kateqoriyasında uzunluğa tullanma üzrə yarışda Paris Yay Paralimpiya Oyunlarının qalibi olan Səid Nəcəfzadə jurnalistlərə açıqlama verib.

O, Paralimpiya Oyunlarında 2-ci dəfə işti­rak etdiyini, budəfəki yarışlarda qələbəyə kök­ləndiyini qeyd edib:

– Üç il əvvəl “Tokio-2020”də bürünc me­dal qazanmışdım. Bu, məni Parisdə keçirilən Paralimpiya Oyunlarına daha da yaxşı hazır­laşmağa sövq etdi. Yalnız qələbəyə köklənmiş­dim. Çox çalışmışdıq. Bura gəlməzdən əvvəl dünya çempionatında qızıl medal qazanmış­dım. Favoritlər arasında olduğum üçün çox həyəcan keçirirdim. Sevinirəm ki, qızıl medalı əldə etməyi bacardım. Paralimpiya çempionu olduğum üçün qürur hissi keçirirəm. 

İdmançı sosial şəbəkələrdə xalqımızdan dəstək gördüyünü deyib:

– Cənab Prezident İlham Əliyevə və Birin­ci vitse-prezident Mehriban xanım Əliyevaya idmana və paralimpiyaya diqqətlərinə görə minnətdarlığımı bildirmək istəyirəm. Məşq­çimə, üzvü olduğum “Neftçi” İdman Klubuna, Milli Paralimpiya Komitəsinə və rəhbərliyinə, Gənclər və İdman Nazirliyinə bu yolda bizə dəstək olduqları üçün minnətdaram. 

L.QURBANOVA
XQ