“Qalatasaray” “Napoli”dən icarəyə götürdüyü futbolçu Viktor Osimhenlə müqavilə imzalayıb.
QOL.az İstanbul klubunun mətbuat xidmətinə istinadən xəbər verir ki, 25 yaşlı nigeriyalı hücumçu 1 mövsümlük icarə əsasında çıxış edəcək. Sarı-qırmızılılar İtaliya komandasına icarə haqqı ödəməyəcək. Osimhen "Qalatasaray"da illik 6 milyon avro qazanacaq.
Qeyd edək ki, Viktor Osimhen 2020-ci ildən çıxış etdiyi “Napoli”də 133 matçda 76 qol vurub.
