Aşqabad hava limanında Rusiyaya uçanların rus dilini bilmələri yoxlanılır.
İnterpress.az xəbər verir ki, Aşqabad hava limanında əsasən gənclərdən ibarət bir neçə sərnişinə bütün sənədləri olmasına baxmayaraq, uçmağa icazə verilmir.
Miqrasiya Xidməti sual verməklə onların rus dili biliyini yoxlayır. Sərnişin suala cavab verə bilmirsə və ya sualı başa düşmürsə, geri göndərilir.
Son illər Türkmənistanın hakimiyyət orqanları xaricə gedən vətəndaşlar üçün qaydaları xeyli sərtləşdirərək, xarici pasportun alınması prosesini çətinləşdirib.
Yeni tələblər ortaya çıxıb: Rusiyaya səyahət etmək üçün indi yalnız bir təhsil müəssisəsindən dəvətnamə və hərbi komissarlıqdan arayış deyil, həm də rus dili kurslarını bitirdiyinizi təsdiq edən təhsil mərkəzlərindən birindən arayış lazımdır.
Xuraman Etibarlı
İnterpress.az
