Bu gün paytaxt Pekində ÇİN-AFRİKA Əməkdaşlıq Forumu Sammiti işə başlayır.
Bu hadisə Çin və Afrika arasında tarixi dostluğun və strateji əməkdaşlığın daha da möhkəmlənməsinin şahidi olacaq. Çin sədri Si Cinpin sammitdən əvvəl Afrika liderləri ilə keçirdiyi görüşlərdə həm ikitərəfli səviyyədə, həm də beynəlxalq platformalarda Çin-Afrika əlaqələrinin daha da dərinləşməsi üçün güclü mesajlar verib.
Sammitdən əvvəl keçirilən ikitərəfli görüşlər Çinin Afrika ilə əməkdaşlığı yeni səviyyəyə qaldırmaq əzmini ortaya qoydu. Afrika İttifaqı Komissiyasının sədri Musa Faki Mahamat ilə görüşü zamanı prezident Si qeyd edib ki, Afrika İttifaqı beynəlxalq əməkdaşlıq üçün kritik platformadır. Si Cinpin bəyan edib ki, son illərdə Çin və Afrika İttifaqı arasında siyasi etimad güclənib və bu əməkdaşlıq qlobal və regional məsələlərdə intensiv koordinasiya təmin edib. Si Çinin köməyi ilə yaradılmış Afrika Xəstəliklərə Nəzarət və Qarşısının Alınması Mərkəzinin Afrikada ictimai səhiyyəyə verdiyi töhfələrdən məmnunluğunu ifadə edib.
Mövsüm
