"Komanda tam komplektləşib. Növbəti transferi artıq ikinci dövrədə etməyi düşünürük".
Bu sözləri Offsideplus.az-a açıqlamasında I Liqada çıxış edən "İmişli"nin icraçı direktoru Aqşin Mürsəlov bildirdi.
Klub rəsmisi kollektivlərinin çempionatı birinci pillədə bitirəcəyinə inanır:
"Komandamızın elitaya yüksəlmək potensialı var. Çempion olacağımıza inanıram. Ötən mövsüm özlərini ən yaxşı tərəfdən göstərən futbolçuları transfer etmişik".
A.Mürsəlov bölgə təmsilçisinin ev oyunlarını növbəti aydan İmişlidə keçirə bilcəyini qeyd etdi:
"Stadionun oktyabrın ortalarına qədər hazır olacağını düşünürük. İşlər başa çatdıqdan sonra PFL baxış keçirəcək və uyğun görülərsə, oyunları İmişlidə keçirəcəyik".
