ABŞ-dan İrana pilotsuz uçuş aparatlarının (PUA) və digər pilotlu təyyarələrin istehsalında istifadə olunan hissələrin qaçaqmalçılıq yolu ilə çatdırılmasında ittiham olunuan 76 yaşlı iranlı Qulamrza Qudərzi ABŞ-in Texas əyalətində mühakimə olunub.
Bu barədə ABŞ Ədliyyə Departamenti məlumat yayıb.
Bildirilib ki, iranlı qaçaqmalçı avqustun 30-da Texas əyalətinin cənubunda yerləşən Porter şəhərindəki "Corc Buş" hava limanında həbs edilib və barəsində cinayət işi açılıb.
"Təqsirləndirilən iranlı illər boyu PUA hissələrini və digər idarə olunan texnologiyaları qaçaqmalçılıq yolu ilə İrana keçirmək üçün örtük və fərqli üsullardan istifadə edib",- Ədliyyə Departamentinin Milli Təhlükəsizlik Şöbəsinin Baş prokurorunun köməkçisi Metyu Ji Olsen deyib.
visiontv.az
