Norveç Ukrayna Beynəlxalq Fonduna 570 milyon Norveç kronu (48,28 milyon avro) ianə edəcək. Vəsait Ukrayna əsgərləri üçün pilotsuz təyyarələrin və hava hücumundan müdafiə sistemlərinin alınmasına sərf olunacaq.
Qaziler.az bildirir ki, bu barədə RBC-Ukrayna Norveç hökumətinin mətbuat xidmətinə istinadən məlumat yayıb.
Departamentin qeyd etdiyi kimi, Ukrayna ruslarla müharibə üçün daha çox pilotsuz təyyarələr, eləcə də Ukrayna əhalisini və mühüm infrastrukturu Rusiyanın hücumlarından qorumaq üçün daha çox hava hücumundan müdafiə sistemləri alacaq.
"Ukraynanın özünü Rusiyanın işğalçı müharibəsindən qorumaq üçün təcili olaraq daha çox hərbi texnikaya ehtiyacı var. Digər ölkələrlə birlikdə Norveç öz töhfəsini vermək üçün əlindən gələni edəcək", - müdafiə naziri Byorn Arild Qram bildirib.
Ümumilikdə, Ukraynada genişmiqyaslı müharibə başlayandan bəri Norveç 1,8 milyard Norveç kronu (təxminən 160 milyon avro) yardım edib.
QAZİLER.AZ
