"MDB liderləri BRİKS sammitinə dəvət ediliblər" - Putinin köməkçisi

"BRİKS təşkilatına doqquz üzv ölkədən başqa Müstəqil Dövlətlər Birliyinə mənsub ölkələrin rəhbərləri də Kazanda keçiriləcək sammitə dəvət ediliblər".Bu barədə mətbuata açıqlamasında Rusiya Prezidenti Vladimir Putinin xarici siyasət məsələləri üzrə köməkçisi Yuri Uşakov bildirib. Onun sözlərinə görə, dəvət həmçinin Afrika, Latın Amerikası, Yaxın Şərq və Cənub-Şərqi Asiyada üzrə bir sıra dövlət başçılarına da göndərilib."Sammitə, əlbəttə, BRİKSƏ-ə üzvlük və ya əməkdaşlıqlıq üçün müraciət ünvanlayan ölkələrin liderləri də çağırılıblar", - Uşakov vurğulayıb.Putinin köməkçisinin açıqlaması ötən gün "Bloomberg" xəbər agentliyinin müvafiq xəbəri ilə uyğunlaşır. Belə ki, xəbərə əsasən, Türkiyə təşkilata üzvlük üçün rəsmi müraciət göndərib."Müraciətə BRİKS-in oktyabrın 22-24-də Kazanda keçiriləcək sammitində baxılacaq", - "Bloomberg" yazıb.Həmin sammitdə Azərbaycanın da müraciəti nəzərdən keçirilə bilər.AzVision.az

• Rusiya
• Vladimir Putin
• Yaxın Şərq
• Afrika
• Putin
• Sammit
• Mdb
• Dəvət
• Xarici Siyasət
• Latın Amerika
• Yuri Uşakov
• Cənub-Şərqi Asiya
• Müstəqil Dövlətlər Birliyi
• Bri̇ks
• Doqquz Üzv Ölkə