ABŞ Venesuela prezidenti Nikolas Maduronun 13 milyon dollar dəyərində şəxsi təyyarəsini ələ keçirib. Bu hadisə iki ölkə arasında gərgin münasibətləri daha da gərginləşdirib.
Yenicag.az xəbər verir ki, təyyarə Dominikan Respublikasında olarkən ABŞ səlahiyyətliləri tərəfindən ələ keçirilib. Səlahiyyətlilər təyyarənin qeyri-qanuni və ABŞ sanksiyalarını pozaraq alındığını iddia edib. Ələ keçirilən “Dassault Falcon” 900 tipli təyyarə Floridaya aparılıb.
ABŞ rəsmisi deyib ki, bu addım “heç kim qanundan üstün deyil” mesajı verib. Hadisə ABŞ Venesuela hökumətində korrupsiya iddialarını araşdırarkən baş verib.
Bu proses Birləşmiş Ştatların Maduro administrasiyasına qarşı uzun müddətdir davam edən təzyiqinin bir hissəsidir. ABŞ bildirir ki, Maduronun son seçkilərdə ədalətli qalib gəldiyinə dair heç bir sübut yoxdur və ölkəyə qarşı sanksiyaları davam etdirir.
Venesueladakı siyasi və iqtisadi böhran milyonlarla insanın ölkəni tərk etməsinə səbəb olub. Bu, xüsusilə ABŞ-Meksika sərhədindəki immiqrasiya böhranına təsir edən ABŞ siyasətində mühüm məsələyə çevrilib.
ABŞ rəsmiləri Maduro rejiminin ölkənin resurslarından şəxsi maraqları üçün istifadə etdiyini iddia edirlər.
Nəsimi Ələsgərli
