Koreya Respublikasının Konstitusiya Məhkəməsi hökumətin təsdiq etdiyi iqlim dəyişikliyi ilə mübarizə planlarını Əsas Qanunla bir araya sığmayan adlandırıb. Bu, Asiya ölkələri arasında ilk belə məhkəmə qərarıdır.
Fins.az xəbər verir ki, Konstitusiya Məhkəməsi milli karbon neytrallığı qanununun insanların əsas hüquqlarına zidd olduğu barədə qərar verib.
Respublika hökuməti 2030-cu ilə qədər karbon emissiyalarını 2018-ci ilə nisbətən 40% azaltmağı vəd etsə də, 2031-ci ildən 2049-cu ilə qədər olan dövr üçün hədəflər qoymayıb. Ölkənin ali məhkəməsinin fikrincə, Cənubi Koreya hakimiyyəti iqlim dəyişikliyi ilə mübarizə üçün kifayət qədər tədbirlər görməməklə insanların hüquqlarını pozur.
Agentlik qeyd edir ki, məhkəmə hökumətin iqlim böhranına kifayət qədər reaksiya verməməsinin onların hüquqlarına zidd olduğunu iddia edən fəalların şikayətləri əsasında hökm çıxarıb. Eyni zamanda, məhkəmə fəalların bəzi iddialarını rədd edib. İddiaçılar 2030-cu ilə qədər emissiyaların azaldılması hədəflərinin də yetərli olmadığını düşünürlər, lakin hakimlər bununla razılaşmayıblar, hesabatda deyilir.
Qeyd olunur ki, bundan sonra respublika hökuməti və Milli Məclis (parlament) 2026-cı il fevralın 28-dək iqlim dəyişikliyi ilə mübarizə üçün daha sərt tədbirlər görməlidir.
Kaira Agayeva
Fins.az
