Türkiyə Səyahət Agentlikləri Birliyi (TÜRSAB) xarici vətəndaşlardan barmaq izinin alınması layihəsinin başlamasının rusiyalı turistlər üçün problem yaratmayacağını gözləyir.
"Operativ Məlumat Mərkəzi-OMM" xəbər verir ki, bu barədə RİA Novosti agentliyinə müsahibəsində assosiasiyanın prezidenti Firuz Bağlıkaya bildirib.
TÜRSAB bir neçə il ərzində elektron inteqrasiya prosesləri tamamlandıqdan sonra fəaliyyətə başlayacaq sistemin xaricilərin Türkiyəyə sərhədlərdən girməsi çox vaxt aparmayacaq şəkildə həyata keçirilməsini gözləyir. Bağlıkaya qeyd edib ki, bu çərçivədə Rusiyadan gələn turistlərin narahat olmasına ehtiyac yoxdur.
“Sabah” qəzeti avqustun 14-də Daxili İşlər Nazirliyinin rəhbəri Əli Yerlikaya istinadən yazıb ki, Türkiyə ölkəyə daxil olan vətəndaşların barmaq izlərinin götürülməsinə imkan verəcək layihə təşkil etməyə hazırlaşır.
