Azərbaycanda dəmiryollarının yükdaşımalardan gəlirləri azalıb.
Banker.az xəbər verir ki, dəmir yolu ilə yükdaşımalardan şirkətlərin gəlirləri 2024-cü ilin birinci yarısında 213 milyon 252.1 min manat olub.
Bu da 2023-cü ilin ilk yarısı ilə müqayisədə 2.7 faiz azdır. Həmin dövrdə şirkətlərin gəlirləri 219 milyon 204.3 min manat idi. Azalmaya əsas səbəb ixrac yüklərinin həcminin illik müqayisədə 14.6% azalaraq 42 milyon 775.4 min manata qədər enməsidir. İdxalda dəmiryolu ilə yükdaşımaların həcmi illik 6 faiz artaraq 48 milyon 825.4 min manata, tranzit yüklərində gəlirlər isə 0.9% artaraq 92 milyon 936.9 min manata yüksəlib.
Dövlət Statistika Komitəsinin məlumatına əsasən, ilin ilk 6 ayında şirkətlər ümumilikdə 9 milyon 316.7 min ton yük daşımaqla illik 1.8% artıma nail olublar. Bununla belə idxal və ixrac yükləri yola saldığımız I yarımildə zəif olduğundan ümumi statistikaya təsir edib.
Tranzit yüklərinin həcmi isə ilin illik yarısında 11.3% artımla 3 milyon 930 min ton olub.
