Qumbaraatanlarla silahlanmış silahlılar Pakistanın Pəncab əyalətində polis karvanına pusqu quraraq, azı 11 polisi öldürüb, 7 nəfəri yaralayıb.
Lent.az xarici KİV-ə istinadla bildirir ki, indiyədək heç bir qruplaşma Rahim Yar Xan bölgəsində baş verən hücuma görə məsuliyyəti üzərinə götürməyib. Ərazidə fəaliyyət göstərən quldurların axtarışı üçün kimsəsiz ərazidə patrul xidməti aparan polislər pusquya düşüb.
Pəncab polisi atəş açanların yaraqlılar deyil, çox güman ki, quldurlar olduğunu bildirib. Zərərçəkənlər yaxınlıqdakı xəstəxanaya aparılıb. turbo az mercedes
Pakistanda son illərdə zorakılıq və yaraqlıların hücumlarında artım müşahidə olunur, lakin bir insidentdə belə yüksək sayda polis itkisi nadir hallarda olub.
Təhlükəsizlik qüvvələri tez-tez kənd yerlərində və meşələrdə gizləndikləri Pəncabda və cənubundakı Sind əyalətində quldurlara qarşı əməliyyatlar keçirir. “The Guardian“ yazır ki, son aylarda bir neçə polis məmuru hücumlar nəticəsində həlak olub.
Hücumun baş verdiyi Rahim Yar Xan rayonunun Kutç bölgəsində, Hind çayı boyunca yüzlərlə ağır silahlı quldurun polisdən gizləndiyi sığınacaqların olduğu məlumdur.
Polisin dediyinə görə, bir polis maşını fermerlərin tarlaları boyunca yığılmış yağış sularından keçərkən xarab olub və onlarla quldur hücumu həyata keçirib. Pakistan iyul ayından bəri musson yağışlarına məruz qalır.
Səlahiyyətlilər, son illərdə polis üçün ən ölümcül hücumlardan biri olan hücumu qınayıb. Prezident Asif Əli Zərdari, baş nazir Şehbaz Şərif və daxili işlər naziri Möhsün Nəqvi bəyanat yayaraq, hadisəni pisləyərək, kədərlərini ifadə edib və öldürülən polisləri “şəhid” adlandırıblar.
Polisə hücum edənlərə qarşı dərhal tədbir görülməsi əmri verilib və Şərif yaralı zabitlərə mümkün olan ən yaxşı tibbi yardım göstərilməsini tələb edib.
Telegram kanalımız
