AZ

Rusiyada 17 il əvvəlki cinayət barədə məlumata görə böyük mükafat verilir

1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.



Rusiyanın Daxili İşlər Nazirliyi 17 il əvvəl itkin düşən uşaqlar haqqında məlumat verənlər üçün mükafatı artırıb.
Oxu.Az NEWS.ru-ya istinadən xəbər verir ki, DİN 2007-ci ildə Pskov vilayətinin Velikiye Luki şəhərində yoxa çıxan uşaqlar haqqında məlumat üçün iki milyon rubl (təxminən 39 min manat) təklif edir.
İstintaqın məlumatına görə, təxminən 20 il əvvəl dərsdən sonra evə qayıdan 10 yaşlı 3 uşaq naməlum şəxslə rastlaşıb. O, özünü paytaxtdan gələn direktor kimi təqdim edib. Kişi kosmosdan bəhs edən filmə aktyorlar axtardığını deyib və uşaqları onunla ekran testinə gəlməyə dəvət edib. Uşaqlardan biri musiqi məktəbinə gecikdiyi üçün imtina edib. Digər iki uşaq isə razılaşıb və bundan sonra onları bir daha görən olmayıb. Polis adam oğurluğu maddəsi ilə cinayət işi açıb.
Üstündən illər keçsə də, cinayətin üstü hələ də açılmayıb. Lakin axtarışlar davam edir.
Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
119
50
oxu.az

10Mənbələr