Amerikanın “Apple” korporasiyası uşaqlar üçün sərfəli qiymətə “Watch SE” saatını hazırlayır. Cihazın plastik korpusu olacaq, bu, yeni məhsulun maya dəyərini azaldacaq və rəng çeşidini genişləndirməyə imkan verəcək.
Bununla belə, “The Verge”nin məlumatına görə, plastik korpus cihazın funksionallığını xeyli azalda bilər. Xatırladaq ki, 2013-cü ildə “Apple” plastik korpuslu iPhone 5C smartfonunu buraxmışdı və buna görə tənqid edilmişdi.
Hazırda “Watch SE” 249 dollara, “Samsung”un ən ucuz saatı “Galaxy Watch FE” isə 199 dollara satılır.
