![Ukrayna](/uploads/posts/2024-07/85d4104a-f2a7-4d87-9e82-cecd7efe2874.jpg)
Ukrayna Müdafiə Qüvvələri Donetsk vilayətinin Baxmut rayonunun Toretsk yaxınlığında itirilmiş mövqelərini bərpa edib. Bununla belə, ruslar başqa yaşayış məntəqəsinin yaxınlığında uğur qazanır.
Reyting.az xəbər verir ki, Müharibə Araşdırmaları İnstitutunun (ISW) məlumatına görə, ruslar qonşu Pokrovski istiqamətində hücumlarını davam etdirirlər.
“Həm Rusiya, həm də Ukrayna qoşunları bu yaxınlarda Toretsk istiqamətində irəliləyiblər, döyüşlər iyulun 15-də də davam edib”, - analitiklər qeyd edirlər.
İyulun 14-dən olan geolokasiya görüntüləri Ukrayna Silahlı Qüvvələrinin bu yaxınlarda Nyu-York məntəqəsinin cənubunda (Toretskdən cənubda) bəzi mövqeləri geri aldığını göstərir və Rusiya ordusunun Toretsk daxilində hücumu ilə bağlı bəzi xəbərləri təsdiqləyir.
Dünənə aid əlavə kadrlar göstərir ki, rus qoşunları bu yaxınlarda Severnı rayonunda (Toretskdən şərqdə) müəyyən irəliləyişlər əldə edib. Ruslar həm də Jeleznı bölgəsində (Toretskdən cənub-şərqdə) hücumlarını davam etdiriblər.
Eyni zamanda, Rusiya ordusu Pokrovski istiqamətində, xüsusən də Evgenivkanın mərkəzi hissəsində davam edən döyüşlər fonunda bu yaxınlarda Avdeevkadan şimal-qərbə doğru irəliləyib.
Ruslar Novoaleksandrovka, Vozdvizjenka, Lozovatski və Yasnobrodovka ərazilərində də hücuma keçiblər.
E. KAMAL