1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Qızıl milyard" ölkələri şantaj və güc istifadə edərək dünyada dominantlığı qorumaq istəyirlər. Qərb beynəlxalq hüququ özləri üçün əlverişli olan və hər dəfə dəyişən qaydalarla əvəz edir".
Oxu.Az-ın smotrim.ru-ya istinadən verdiyi məlumata görə, bunu Rusiya Prezidenti Vladimir Putin BRICS parlament forumunda bildirib.
Rusiya prezidentinin sözlərinə görə, "qızıl milyard" ölkələri klassik müstəmləkəçilik ənənələrinə uyğun olaraq hər vəziyyətdə özləri üçün əlverişli qaydalar yaradırlar, bəzən hətta öz xalqlarının uzunmüddətli maraqlarına zərər vururlar.
Putinin fikrincə, beynəlxalq hüququ özlərini müstəsna hesab edənlərin maraqlarına uyğun olaraq hər dəfə yenidən yazılan və dəyişdirilən qaydalarla əvəz etmək cəhdləri baş verir.
"Qanunvericilərin birbaşa əlaqələr qurmaq cəhdlərini məhdudlaşdırmağa çalışırlar, halbuki bu, hər bir ölkənin öz maraqlarını müdafiə etmək hüququna malik olması ideyasına ziddir. Eyni zamanda, real güc balansını və geosiyasi reallığı əks etdirən yeni dünya quruluşu sistemi formalaşır, bu, ağrılı və mürəkkəb bir prosesdir", - deyə o qeyd edib.
