Azərbaycanda alman avtomobil markası ilə bərabər bir sıra Çin istehsalı olan avtomobillərin rəsmi dileri “Azərbaycan Automobiles” QSC 2023-cü ildə şirkətin əsas əməliyyat gəlirlərinin 2022-ci il ilə müqayisədə 26.3% artaraq 60.49 milyon manata çatdığını bəyan edib.
Banker.az xəbər verir ki, bu barədə şirkətin illik audit hesabatında qeyd edilir.
Öncəki ildə 47.87 mln. manatlıq əsas əməliyyat gəliri əldə etmişdi.
“Azərbaycan Automobiles” QSC “Volkswagen”in Azərbaycanda rəsmi dileri olmaqla paralel, “Great Wall Motors” və “Haval”ın rəsmi dileridir.
Şirkətin satışın maya dəyəri 2022-ci ildəki 39.20 milyon manatdan 22.3% artaraq 47.95 milyon manata yüksəlib. Ümumi mənfəət isə ötən ilki 8.67 milyon manatdan 45% artımla 12.53 milyon manata yüksəlib. Lakin hesabatda ümuminmənfəət hansı kalkusiya ilə 3.54 milyon manata göstərildiyi anlaşılmır. Belə ki, ümumi mənfəət dedikdə şirkətin satış və onun maya dəyərinin fərqi başa düşülür.
Şirkətin hesabat dövründə bütün gəlirlər və xərcindən sonra xalis mənfəəti 2022-ci ildəki 0.44 milyon manatdan 1.21 milyon manata yüksəlib ki, bu da 174.9% artım deməkdir.
“Azərbaycan Automobiles”in ard-arda xalis mənfəətinə rəğmən onun kapital balasındakı illərin yığılmış mənfəəti 2023-cü ilin sonuna 0.89 mln. manata düşüb.
Şirkətin hesabatına görə, onun 22.29 mln. manat aktivi (2022: 22.07 mln. manat) var, bunun da cəmi 1.08 mln. manatı pul vəsaitləridir. Öhdəliklər 20.18 mln. manat və xalis aktivləri isə 2.11 mln. manatdır.
Hesabatdan olan nüsxələr sizə təqdim edirik:
