1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Amerika Kubokunun yarımfinalında Uruqvay və Kolumbiya finala yüksəlmək üçün mübarizə aparacaq.
Oxu.Az xəbər verir ki, gərgin mübarizə vəd edən görüşün qalibi finalda Argentina millisi ilə qarşılaşacaq.
Nominal meydan sahiblərinin heyətində Ronald Aruxo zədə, Neytan Nandes isə cəza üzündən görüşü buraxmalı olacaqlar. Kolumbiya seçməsində isə zədəlilər və itkilər yoxdur.
Rəqiblər indiyədək ümumilikdə 37 dəfə qarşılaşıblar. Bunlardan 16-da Uruqvay, 11-də isə Kolumbiya millisi qalib gəlib.
Maraqlıdır ki, komandalar arasında keçirilən 37 görüşdən yalnız ikisi peanltilər seriyasınadək uzanıb. Hər iki seriya isə Kolumbiya seçməsinin qələbəsi ilə yekunlaşıb.
Qeyd edək ki, görüşü meksikalı hakimlər briqadasından Sezar Arturo Ramuş idarə edəcək.
11 iyul
Yarımfianl
Uruqvay - Kolumbiya
Saat 04:00, "Bank of America Stadium".
