Avropa Komissiyası (AK) Moldovaya güzəştli şərtlərlə 50 milyon avro kredit ayrıldığını açıqlayıb.
Bu barədə AK-nin kommünikesində qeyd edilib.
Bundan başqa, AK Moldovaya iyulun sonuna qədər 22,5 milyon avroluq yeni qrant ödənişi elan edib.
“Bu maliyyə dəstəyi Moldovaya 2024-cü il üçün maliyyə ehtiyaclarının bir hissəsini ödəməyə və makroiqtisadi sabitliyi qoruyub saxlamağa kömək edəcək, eyni zamanda gələcək islahatlara imkan yaradacaq”, – məlumatda qeyd olunub.
Bu maliyyə yardımlarının Moldovaya Avropa yolu ilə getməyə yardım göstərəcəyi vurğulanıb.
