1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Cari ilin 6 ayı ərazində işəgötürənlərlə bağlı 1241 pozuntu faktı aşkarlanıb. Bu fakt əsasında qanunvericiliyin müvafiq maddəsi ilə hüquqi çərçivədə tədbir görülüb".
Oxu.Az xəbər verir ki, bu barədə jurnalistlərə açıqlamasında Dövlət Əmək Müfəttişliyinin rəisinin müavini Nərmin Mirzəyeva deyib.
O bildirib ki, qanun pozuntularının araşdırılması nəticəsində 41 nəfər şəxs öz işinə geri bərpa edilib:
"Sahələr üzrə isə təhlillərin nəticəsinə əsasən, ən çox qanunsuzluq aşkarlanan məsələlər əmək münasibətlərinin qanunvericiliyə uyğun rəsmiləşdirməməklə işə cəlb olunma, son altı ay ərzində işçilərin əməkhaqlarının qanunvericiliyə uyğun ödənilməməsi, onların peşə xəstəlikləri ilə bağlı icbari sığortalarının edilməməsi və əməyin mühafizəsi çərçivəsində işəgötürənin öz öhdəliklərini vaxtlı-vaxtında həyata keçirməməsidir".
Könül Cəfərli
