1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Futbol üzrə Avropa çempionatının qrup mərhələsinin III turunda Danimarka və Serbiya milli komandaları arasındakı oyuna start verilib.
Oxu.Az xəbər verir ki, qarşılaşma C qrupu çərçivəsində, Almaniyanın Münhen şəhərindəki "Allianz Arena" stadionunda keçirilir.
Oyunu Fransua Leteksyenin (Fransa) başçılıq etdiyi hakimlər briqadası idarə edir.
Qeyd edək ki, qrupa dörd xalla İngiltərə yığması başçılıq edir. İkinci və üçüncü yerləri hərəyə iki xal toplayan Danimarka və Sloveniya tutur. Dördlüyü bir xalla Serbiya komandası tamamlayır.
Odur ki, bu qrupda hər dörd komandanın yarışın pley-off mərhələsinə çıxmaq şansı var.
