Məcburi Köçkünlərin Sosial İnkişaf Fondu 3 şirkətlə təxminən 30 milyon manatlıq müqavilə bağlayıb.
Banker.az xəbər verir ki, bu şirkətlər “Tunel-Metro İnşaat” MMC, “Rabitəinşaat” ASC və “Kür-Araz Şirkəti” MMC-dir.
“Tunel-Metro İnşaat” MMC ilə olan müqavilədə Cəbrayıl rayonunun 1042 ailəlik (birinci mərhələdə – 635 ailəlik) Şükürbəyli kənd yaşayış məntəqəsinin salınması ilə əlaqədar 63 fərdi yaşayış evinin tikintisi nəzərdə tutulur. Müqavilənin dəyəri isə 10 012 580 manatdır.
“Rabitəinşaat” ASC ilə bağlanmış müqavilə Cəbrayıl rayonunun 1042 ailəlik (birinci mərhələdə – 635 ailəlik) Şükürbəyli kənd yaşayış məntəqəsinin salınması ilə əlaqədar 65 fərdi yaşayış evinin tikintisindən ibarətdir. Müqavilənin məbləği 10 059 903 manatdır.
“Kür-Araz Şirkəti” MMC ilə məbləği 9 425 239 manat olan müqavilə Cəbrayıl rayonunun 1042 ailəlik (birinci mərhələdə – 635 ailəlik) Şükürbəyli kənd yaşayış məntəqəsinin salınması ilə əlaqədar 60 fərdi yaşayış evinin tikintisindən ibarətdir.
