İlkin məlumatlara görə, NATO ölkələrinin əksəriyyəti ümumi daxili məhsullarının 2 faizindən çoxunu müdafiəyə ayırmaq məqsədinə nail olub.
"Cebhe.info" xəbər verir ki, NATO müttəfiq ölkələrin müdafiə xərcləri ilə bağlı 2024-cü il proqnozlarını özündə əks etdirən hesabat dərc edib.
Müvafiq olaraq, müttəfiq ölkələrin müdafiə xərcləri ümumilikdə 1,47 trilyon dollara yüksəlib.
Ən yüksək müdafiə xərcləri müvafiq olaraq ABŞ, İngiltərə, Almaniya, Fransa, İtaliya, Türkiyə, Niderlad və İspaniya tərəfindən edilib.
Büdcəsinin ən çox hissəsini müdafiəyə ayıran ölkə 4,12 faizlə Rusiya-Ukrayna müharibəsindən ən çox zərər çəkən ölkələrdən biri olan Polşa olub.
Polşanı 3,43 faizlə Rusiyanın sərhəd qonşusu Estoniya izləyib.
ABŞ 3,38 faizlə Estoniyadan sonra gəlir.
Yalnız Belçika, Kanada, Xorvatiya, Lüksemburq, İtaliya, Portuqaliya, Sloveniya və İspaniya NATO-nun ÜDM-un ən azı 2 faizini müdafiəyə ayırma hədəfini yerinə yetirə bilməyib.
Türkiyənin bu hədəfə çatan ölkələrdən biri olan Fransanı geridə qoyması diqqət çəkib.
Bu hədəf Rusiyanın 2014-cü ildə Krımı ilhaqından sonra Uels sammitində NATO tərəfindən müəyyən edilib.
2022-ci ildə başlayan Rusiya-Ukrayna müharibəsindən sonra NATO-nun Baş katibi Yens Stoltenberq bu mövzuda etdiyi çağırışlara diqqət yetirib.
Dünən verdiyi açıqlamada Stoltenberq NATO müttəfiqlərindən 20-dən çoxunun bu il 2 faizlik hədəfə çatacağını açıqlayıb və hədəfin qoyulduğu 2014-cü ildə yalnız 3 NATO üzvünün ÜDM-nin 2 faizini müdafiəyə yatırdığını vurğulayıb.
