AZ

Qərbi Azərbaycan Xronikası: Qaraqoyunlu Əmirinin məskən saldığı Əmirxeyirli kəndi

Qərbi Azərbaycan Xronikası layihəsi çərçivəsində növbəti süjet hazırlanıb.
Budəfəki veriliş Qaraqoyunlu mahalındakı Əmirxeyir kəndinə həsr olunub.
Bildirilir ki, Əmirxeyir kəndi - Əmirin yaylağı, qayası, "əmir" və türkcə "kair" sözündən əmələ gəlib.
Kənd sakini Darvin Ağamalıyevın sözlərinə görə, Əmirxeyirli qədim yaşayış yeri olub: "Kənd Qaraqoyunlu Əmirinin məskən saldığı məkandır. Deyilənə görə, bizdən əvvəl orada yunanlar yaşayıblar. Şah İsmayılın ordusunun düşərgə yeri də olub".
Kəndin digər sakini Qələndər Qələndərov isə deyir ki, 1937-ci ildə kəndin ən tanınmış adamları repressiya olunublar.
Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.
Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.
Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.
Ətraflı Baku TV-nin süjetində:
Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
68
4
oxu.az

10Mənbələr