ABŞ-ın Nebraska ştatının polisi qeyri-adi bir hadisəni araşdırır. Qocalar evində öldüyü elan edilən 74 yaşlı qadın iki saat sonra dəfn evində nəfəs alarkən tapılıb. Bu, ABŞ-da qocalar evində keçən ildən bəri baş verən ən azı üçüncü hadisədir ki, bir qadının vaxtından əvvəl öldüyü elan edilir.
Herbiand.az bildirir ki, bu barədə CBS xəbər verib.
74 yaşlı Konstans Qlants Nebraska ştatının Ueverli şəhərindəki “Malberri” qocalar evində müalicə alırdı.
Polis rəis müavini Ben Houçin bildirib ki, qocalar evinin işçiləri onun dünyasını dəyişdiyini güman ediblər. Lakin əməkdaşların onun öldüyü qənaətinə necə gəldiyi məlum deyil.
Houçin bildirib ki, Qlantsın ölümünü təsdiqləmək üçün koroner çağırılmayıb. Daha sonra onu dəfn evinə aparıblar. Cənazə evi rəsmiləri qadını Nebraskaya aparıblar. Lakin dəfn evinin işçisi onu dəfn üçün hazırlayarkən hələ də nəfəs aldığını görüb. Qadın xəstəxanaya yerləşdirilib.
Bəxtiyar CƏFƏRLİ
