Ukraynanın ehtiyatlarının sərtləşdirilməsindən sonra Xarkov vilayətinin şimalında rus qoşunlarının irəliləməsi səngiyib.
Hit.az xəbər verir ki, bu barədə Xarkov vilayətinin Rusiyanın nəzarətində olan hissəsinin administrasiyasının rəhbəri Vitali Qançev bildirib.
Onun sözlərinə görə, buna baxmayaraq, rus qoşunları Xarkov vilayətində əlverişli mövqelər tutub və Ukrayna qüvvələrinə əks-hücuma keçməyə imkan verməyib.
“Hücum hələ də davam edir. Ola bilsin ki, indi səngiyib, amma hələ də davam edir... Onlar da bir az yer itirirlər, ona görə də indi şəhərdə, rayonda olan bütün insan resurslarını toplayıb, dərhal hazırlıqsız cəbhəyə atırlar. Onların yetişdirdiyi qüvvələrin sayı, silahlı qüvvələrimizi dayandırmaq üçün ehtiyatlar kifayət qədər çoxdur”, deyə Vitali Qançev Birinci Kanalda bildirib.
Mayın 12-də Ukrayna Silahlı Qüvvələrinin baş komandanı Aleksandr Sırski Ukrayna qoşunlarının Xarkov vilayətindəki bölmələrinin “çətin vəziyyətdə” olduğunu bildirib. Rusiyanın hücumu fonunda ABŞ prezidenti Co Bayden mayın sonunda Ukraynaya Amerika silahları ilə Rusiya ərazisinə zərbələr endirməyə icazə verib, ancaq əks-hücum üçün.
Samir
