Bakı, 1 iyun, AZƏRTAC
Məlum olduğu kimi, iyunun 1-də küləkli hava şəraiti ilə bağlı Bakı və Abşeron yarımadası üçün narıncı, digər bölgələr üçün isə orta riskli sarı xəbərdarlıq verilib.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, iyunun 1-i saat 15:00-a olan məlumata əsasən, öncədən verilən narıncı xəbərdarlığa uyğun olaraq küləyin maksimal sürəti Bakıda və Abşeron yarımadasında saniyədə 24, sarı xəbərdarlığa uyğun olaraq Neftçalada 20, Gəncədə 16, Naftalanda 15 metr təşkil edir.
