Fransa Kubokunun finalı başa çatıb.
"Lion" və "Paris Sen-Jermen" komandalarının qarşılaşdığı matçda 3 qol vurulub.
22-ci dəqiqədə PSJ-nin hücumçusu Usman Dembele hesabı açıb. 34-cü dəqiqədə ispaniyalı yarımmüdafiəçi Fabian Ruiz parislilərin ikinci qolunu vurub. 55-ci dəqiqədə isə "Lion"un irlandiyalı müdafiəçisi Ceyk O"Brayen fərqi azaldıb. Oyun elə bu hesabla da bitib - 1:2.
PSJ tarixində 15-ci dəfə Fransa kubokunun qalibi olub. Qeyd edək ki, parislilər sonuncu dəfə 2020/2021 mövsümündə bu turniri qazanıb. Xatırladaq ki, komanda bu il həm də ölkə çempionu olub.
