Gürcüstan millisinin sabiq kapitanı, yarımmüdafiəçi Java Kankava 2024-cü ildə Almaniyada keçiriləcək Avropa çempionatının oyunlarında iştirak etməyəcək.
Modern.az Gürcüstan mətbuatına istinadən xəbər verir ki, Kankava bunu açıqlamasında qeyd edib.
"Mart oyunlarından sonra qərar verdim: milli komanda çağırsa, Avropa çempionatına futbolçu kimi yox, sıradan bir azarkeş kimi gedəcəyəm", - futbolçu söyləyib.
O, qərarını heç bir şəkildə izah etməyib, etimada görə məşqçilər korpusuna təşəkkür edib və Gürcüstan millisinə uğurlar arzulayıb.
"Cebhe.info"