Rusiya-Ukrayna sülh danışıqlarına Türkiyə vasitəçilik edəcək? – Peskovdan AÇIQLAMA 

“İstanbul müqaviləsi Ukrayna üzrə danışıqlar üçün “əsas” ola bilər, lakin son 2 il ərzində “bir sıra yeni reallıqlar” ortaya çıxıb”. 

Bizim.Media Rusiya KİV-ə istinadla xəbər verir ki, bunu Kremlin sözçüsü Dmitri Peskov Türkiyənin Rusiya-Ukrayna danışıqlarına vasitəçi ola bilməsi ilə bağlı danışarkən bildirib.

Onun sözlərinə görə, hansı ölkənin Rusiya Federasiyası ilə Ukrayna arasında danışıqlara potensial ev sahibliyi edə biləcəyini söyləmək hələ tezdir.

Peskov əlavə edib ki, Kiyevin danışıqlara başlamaq istəməməsi səbəbindən, Ukrayna ilə bağlı danışıqların təfərrüatlarını müzakirə etməyi yersiz hesab edir: 

“Kreml Ukraynanın sülh nizamlanması üçün danışıqlara hazır olduğunu hiss etmir”.

Bizim.Media