1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Portuqaliya millisinin hücumçusu Kriştianu Ronaldu "AVRO-2024"ün 1/8 finalında Sloveniya ilə matçda penaltini qaçırdıqdan sonra niyə ağladığını açıqlayıb.
"Öz işinə bağlı olduğunda, necə hiss etdiyin barədə narahat ola bilməzsən. Məsələn, penaltini buraxdığım gün ağladım. Ağladığım səbəb penaltini vurmasam və Portuqaliya mübarizədən kənarlaşdırılsa, dünyanın mənim üstümə yıxılacağını hiss etməyimdən deyil. Bunun səbəbi bu deyil. Bu insanlar məni tanımır.
Son 27 penaltini vurduqdan sonra birini qaçıranda özünü pis hiss edirsən. Stadiona gələnlər - uşaqlarınız, ananız, sevgiliniz - hamınız, buna görə kədərləndim. Məncə, sizə elə gəlir ki, penaltini buraxdım və Portuqaliya mənə qəzəblənəcək, Kriştianunun penaltini qaçırdığı üçün uğur qazanmadığımızı deyəcəklər? Bu barədə heç düşünməmişdim", - Ronaldu "YouTube" kanalında Rio Ferdinandla söhbəti zamanı deyib.
Xatırladaq ki, Fransa millisinə penaltilər seriyasında uduzan Portuqaliya millisi AVRO-2024-ün 1/4 finalına yüksəlib.
