İranın Ali Milli Təhlükəsizlik Şurasının katibi Əli Əkbər Əhmədian Çin xarici işlər naziri Van İ ilə görüşüb.
APA xəbər verir ki, bu barədə IRNA məlumat yayıb.
Görüş Sankt-Peterburq şəhərində keçirilən BRICS-ə üzv ölkələrin təhlükəsizlik iclası çərçivəsində baş tutub.
Tərəflər iki ölkəni maraqlandıran mövzuları müzakirə edib.
“Biz İranın ərazi bütövlüyünü və suverenliyini dəstəkləyirik. Uzun müddətli əməkdaşlıq sazişinə sadiq qalırıq və əməkdaşlıq üçün yeni sahələri nəzərdən keçiririk. Biz nəqliyyat dəhlizləri üzrə əməkdaşlığı gücləndirməyə hazırıq”, - bunu Van İ İranın Ali Milli Təhlükəsizlik Şurasının katibi ilə görüşdə deyib.
