Rusiyanın xarici işlər naziri Sergey Lavrov deyib ki, Birləşmiş Ştatlar Üçüncü Dünya Müharibəsini “yalnız Avropaya təsir edə biləcək bir şey kimi” qəbul edir.
Onun sözlərinə görə, bu vəziyyətdə Rusiyanın özünün nüvə doktrinasına malik olduğunu başa düşmək vacibdir və bu, hazırda dəqiqləşdirilir. “Anlamaq çox vacibdir ki, bizim öz doktrinamız, o cümlədən nüvə silahından istifadə doktrinamız var. Yeri gəlmişkən, Amerika rəsmilərinin yaxşı məlumatlı olduğu bu məsələ indi aydınlaşdırılır”, – Sergey Lavrov deyib.
Qeyd edək ki, iyunun sonunda Vladimir Putin demişdi ki, Moskva nüvə silahından istifadə həddini aşağı salmaq üçün “ehtimal olunan düşmənin” hazırlığından xəbərdardır. Eyni zamanda o, Rusiya hakimiyyətinin nüvə doktrinasını dəyişdirmək barədə düşündüyünü də demişdi.
//Samir Qurbanov, Editor.az
