Göz təzyiqi nədir?

Xəbərin çap versiyası
Tarix: 7-12-2017, 09:30
Göz təzyiqi nədir?


Gözün içərisindəki maye gözün normal fəaliyyəti üçün lazımdır.

SİVİL.AZ
axar.az-a istinadən xəbər verir ki, maye daim gözdə hasil olunur və daha sonra oradan axıb gedir. Mayenin gözdən axması prosesi pozulduqda, maye gözdə artıq miqdarda yığılmağa başlayır. Nəticədə maye gözün divarına daha güclü təzyiq etməyə başlayır ki, bu müxtəlif göz xəstəliklərinin və pozulmaların inkişafına yol açır.

Göz təzyiqi sağlam gözlərdə də var. Lakin bu zaman bu göz təzyiqi patoloji deyil, fiziolojidir. Göz təzyiqinin normal olması gözün sağlamlığı üçün olduqca vacibdir.

Göz təzyiqinin artması baş ağrısı (adətən gicgah nahiyyələrində), göz ağrısı (xüsusilə gözlərin hərəkəti zamanı), gözlərin yorğunluğu kimi simptomlarla özünü büruzə verir. Gözlərdə diskomfort xüsusilə kompüterdə işlədikdə və xırda şriftlə yazılan mətn oxuduqda hiss olunur.

Ən ağır hallarda gözlərin qızarması, görmənin pozulması kimi simptomlar meydana çıxır.

Göz təzyiqin kəskin və yüksək artması zamanı insanda başgicəllənməsi, ürəkbulanması və qusma kimi simptomlar inkişaf edə bilər.

Lakin bəzi hallarda yüksək göz təzyiqi özünü heç bir əlamətlə büruzə vermir. Məhz bu səbəbdən həkimlər 40 yaşından yuxarı olan insanlara profilaktik müayinələrdən keçməyi tövsiyə edirlər.

Göz təzyiqinin artması torlu qişanın hüceyrələrin məhv olmasına, gözdə metabolik proseslərin pozulmasına səbəb olur ki, bunun nəticəsində görmə orqanlarda geriyədönməz dəyişikliklər baş verir.

Göz təzyiqin müvəqqəti artmasına təkan verən amillər:

- hipertoniya;

- ürək çatışmazlığı;

- bəzi göz xəstəlikləri;

- gözlərin həddən artıq yüklənməsi (məsələn, kompüterdə uzun müddət ərzində işləyən insanlarda);

- müxtəlif göz iltihabları;

- endokrik sistemi pozulmaları və xəstəlikləri (toksiki zob, hipotireoz);

- göz şişləri;

- travmalar.


Göz təzyiqinin daimi artmasının əsas səbəbi çox təhlükəli göz xəstəliyi olan qlaukoma xəstəliyidir.

Göz təzyiqinin artmasının digər fəsadı görmə sinirinin atrofiyasıdır. Bu zaman görmə kəskin pisləşir, korluq inkişaf edə bilər.

Göz təzyiqinin artmasının ilk simptomlarında mütləq oftalmoloqa müraciət edin.

Göz təzyiqi xüsusi göz tonometrlə ölçülür. Bu çox sadə prosedurdur. Bundan əlavə oftalmoloq xəstənin gözlərini müayinə edir.

Göz təzyiqinin artmasının müalicəsi bu pozulmanın səbəbindən asılıdır. Adətən həkimlər xüsusi göz damcıları təyin edirlər.

Konservativ (dərmanlarla) terapiya kömək etmədikdə, cərrahi üsullardan istifadə oluna bilər. Hal hazırda daha tez-tez hallarda bunun üçün lazer istifadə olunur.

Bəzən insanda göz təzyiqinin enməsi təyin olunur. Bu da gözdə gedən patoloji prosesin (iltihab, travmadan sonra vəziyyət və s.) simptomu ola bilər. Göz təzyiqinin enməsi insanın görmə funksiyasına mənfi təsir edir - göz almasının atrofiyasına, görmənin ciddi pozulmasına səbəb olur. Uzun müddət ərzində mövcud olan göz təzyiqinin enməsi zamanı gözün ölçüləri kiçilir.

Sivil.az



Diqqətinizi çəkə biləcək digər xəbərlər
Baş redaktor: Samir Hüseynov
Əlaqə nömrəsi: 055 680 19 80
E-mail: sivilinfo@gmail.com

Mobil versiya
Haqqımızda \ Əlaqə
Facebook səhifəmiz
    "Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8).

Copyright © 2016-2017 SiviL.az Xəbərlərdən istifadə edərkən istinad edilməsi mütləqdir. Created by BuludHost Company



 
Facebook səhifəmiz