<p>Almaniya millisinin sabiq hücumçusu Lukas Podolski "Qurnik"lə yeni müqavilə imzalayıb.</p><p><strong>Sportinfo.az </strong>xəbər verir ki, 37 yaşlı forvardın Polşa klubu ilə sözləşməsinin müddəti 2023-cü ilin yayınadək uzadılıb.</p><p>Karyerası ərzində "Bavariya", "Köln", "Arsenal", "İnter", "Qalatasaray", "Vissel Kobe" kimi klublarda çıxış edən Podolski 2021-ci ilin yayından "Qurnik"də forma geyinir.</p>
<p>"Hazırda bir neçə klubdan təklif almışam".</p><p>Bunu <strong>Sportinfo.az-a</strong> açıqlamasında Fəhmin Muradbəyli deyib.</p><p>Hazırda "Şamaxı"da çıxış edən yarımmüdafiəçi müqavilə ilə "Neftçi"yə məxsusdur.</p><p>O, qış fasiləsindən bölgə klubuna icarəyə verilib. Mövsümün sona çatmasına isə cəmi 1 tur qalıb. </p> <p>Muradbəyli belə durumda gələcəyi ilə bağlıbunları deyib: "Hazırda "Şamaxı"nın futbolçusuyam. Sonuncu turda da baş məşqçimiz şans versə, canla-başla oynayıb "Neftçi"yə qayıdacam. Çünki müqavilə ilə "Neftçi"yə məxsusam. Yayda rəhbərliklə söhbətim olacaq. Yalnız ondan sonra gələcəyim barədə qərar verəcəm".</p><p><strong>XANOĞLAN</strong></p>
<p>"Kəpəz" yeni mövsümdən Premyer Liqada çıxış edəcək.</p><p>Amma klub ətrafında qalmaqallar, söz-söhbətlər səngimək bilmir.</p><p>Yerli tərəfdarların əsas problem yaşadığı şəxs isə birbaşa baş məşqçi Yaşar Vahabzadədir.</p><p>Uzun müddətdir yerli publika onun getməsini istəyir. AFFA rəhbərliyi isə əksinə, təcrübəli mütəxəssisi növbəti mövsüm də komandanın başında görməkdə qərarlıdır.</p> <p>Elə fanatların da səbr kasasını daşıran bu qərardır. Gəncədəki fanatlar saytımıza bildirib ki, qəti sürətdə bu durumla barışmaq fikrində deyillər. Hətta bu ayın 25-nə kimi narazı fanatlar bakıda rəsmi icazə əsasında etiraz aksiyası keçirməyi planlaşdırırlar. Özü də paytaxt Bakıda.</p><p><strong>XANOĞLAN / SPORTİNFO.AZ </strong></p>
<p>"Ortada müəyyən fərqlər var".</p><p><strong>Sportinfo.az </strong>xəbər verir ki, bu açıqlama millimizin baş məşqçisi Canni De Byaziyə məxsusdur.</p><p>Azərbaycandakı işini dəyərləndirən 66 yaşlı italiyalı mütəxəssis 2016-cı ildə Avropa çempionatının final mərhələsinə çıxardığı Albaniya yığmasında qazandığı uğuru təkrarlamaq istədiyini söyləyib:</p><p>"O vaxt Albaniya millisinin, demək olar ki, əksər üzvləri Avropada çıxış edirdi. Hazırda onlar daha böyük coğrafiyaya yayılıblar.</p> <p>İngiltərə, İspaniya və İtaliyada legioner həyatı yaşayırlar. Azərbaycan millisində isə cəmi 5 legioner oyunçum var.</p><p>Onların 3-ü Türkiyə, Portuqaliya və Almaniyada, 2-si isə Polşada çıxış edir".</p>
<p>Azərbaycan millisinin voleybolçusu Olena Xarçenkonun yeni klubu bəlli olub.</p><p><strong>Sportinfo.az </strong>xəbər verir ki, blokçu karyerasını Türkiyə Superliqasında davam etdirəcək.</p><p>Ötən mövsüm bu ölkədə “Bolu Bələdiyyəspor”un şərəfini qoruyan Olena “Çukurova Bələdiyyəspor”la anlaşıb. 25 yaşlı oyunçunun müqaviləsi bir mövsüm üçün nəzərdə tutulub.</p> <p>Xarçenkonun yeni komandası ötən mövsüm 1-ci liqanın final mərhələsində ikinci yeri tutaraq Superliqaya yüksəlib.</p>
<p>“Neftçi”nin futbolçuları Samir Abasovdan klub rəhbərliyinə şikayətlənib.</p><p>Bu haqda <strong>Sportinfo.az</strong>-a məlumat daxil olub.</p><p>Verilən informasiyaya görə, komanda üzvlərinin narazılığı baş məşqçinin verdiyi qərarla bağlıdır. Belə ki, Premyer Liqanın 24-cü turunda keçirilən “Səbail”lə matça sərgilənən oyun Abasovun xoşuna gəlməyib və o, kollektivə cərimə kəsib.</p><p>Bayıldakı qarşılaşmada istirak edən oyunçuların hər biri 1:0 hesablı qələbəyə baxmayaraq, 1000 manat cərimələnib.</p> <p>Bu məbləğin maaşdan tutulmasına etiraz eləyən “ağ-qaralar” rəhbərlikdən kömək istəyib. Yəni, Samir Abasovun raportu əsasında icra olunan pul tutulması ləğv edilsin.</p>
<p>2022/2023 mövsümündən Premyer Liqada çempionluq uğrunda mübarizə aparacağı iddia edilən "Nyukasl" daha bir futbolçu üçün hərəkətə keçib.</p><p><strong>Sportal.az </strong>xəbər verir ki, İngiltərə klubu Yannik Karraskonu transfer etmək niyyətindədir.</p><p>"Nyukasl" belçikalı vinger üçün "Atletiko"ya 60 milyon avro ödəyəcək. </p>
<p>"Mançester Yunayted"in qapıçısı Din Henderson yayda komandanı tərk etməyə hazırlaşır.</p><p><strong>Sportinfo.az </strong>xəbər verir ki, 25 yaşlı qolkiper oyun praktikasından əziyyət çəkdiyindən "qırmızı şeytanlar"ın formasını geyinmək istəmir.</p><p>O, bir neçə dəfə klubdakı mövqeyindən narazı olduğunu bildirmişdi. "Nyukasl" Dini transfer etmək istəyir.</p>
<p>Mayın 27-də ölkə kubokunun final matçı baş tutacaq.</p><p>Çempionluqdan sonra növbəti titulun kimə qismət olacağını “Qarabağ”la “Zirə”nin ifasında baş tutacaq oyunun yekununda biləcəyik.</p><p>Görüşün marağını və əhəmiyyətini diqqətdə saxlayan Peşəkar Futbol Liqası növbəti təşkilati addımla bu dəfə qələm əhlini sevindirəcək.</p><p>Belə ki, ölkə kubokunun həlledici duelinin geniş miqyasda və hərtəfəli işıqlandırılmasını önəmli hesab edən yarışın təşkilatçı qurumu jurnalistlərin Qəbələyə səfərini təşkil edəcək.</p><p>30-a yaxın media orqanının nümayəndələri bölgəyə səfər edərək, finalda yaşanan ən maraqlı və diqqətçəkən məqamları siz oxucualara çatdıracaq.</p><p>PFL buna görə jurnalistlərə nəqliyyat təşkil etməyi qərara alıb. Bu barədə məlumatı sözügedən qurumun Mətbuat və İctimaiyyətlə Əlaqələr Departamentinin rəhbəri Aslan Şahgəldiyev saytımıza açıqlamaslnda təsdiqləyib.</p> <p>PFL həmin gün azarkeşləri də unutmayacaq. Bayramqabağı stadiona gələcək hər bir azarkeşə ən dəyərli hədiyyə - Azərbaycan bayrağı hədiyyə olunacaq.</p><p>Bundan əlavə, komandaların böyük bayraqları və Azərbaycan Kubokunun böyük bayrağı ilə açılış mərasimi nəzərdə tutulub.</p><p>Ölkə kubokunun final mərhələsi çərçivəsində “Qarabağ”la “Zirə” arasında keçiriləcək final qarşılaşması mayın 27-də Qəbələ şəhər stadionunda baş tutacaq.</p><p><strong>HƏBİB / SPORTİNFO.AZ</strong></p>
<p>Premyer Liqanın qızıl və gümüş medalçılarının adları məlumdur.</p><p>28-ci turdan sonra “Qarabağ” birinci, “Neftçi” ikinci yerin mükafatına qovuşacaq.</p><p>İndi əsas sual bürünc medalların kimə qismət olacağıdır.</p><p>Düzdür, indiki məqamda “Zirə” bu ada daha yaxındır. Qəsəbə təmsilçisi 27 oyundan sonra 46 xal toplamaqla əsas izləyicisi “Qəbələ”ni 2 xal qabaqlayır.</p><p>Rəşad Sadıqovun yetirmələri medalları bayram etməyə çox yaxındır. “Qartallar” mayın 21-də uğursuz nəticələri sıralayan və heyətində itkilər olan “Şamaxı”nı doğma azarkeşləri önündə qonaq edəcək.</p><p>Qələbə Qəbələdəki nəticədən asılı olmayaraq, zirəlilər üçün bürünc mükafatın təmin olunması anlamına gələcək.</p><p>Bəs, “Qəbələ” hansı şərtlər altında mövsümü “3-lük”də tamamlaya bilər?</p><p>Bunun üçün bölgə təmsilçisi “Sabah”ı mütləq və mütləq məğlub etməlidir. Hətta heç-heçə belə, işə yaramayacaq.</p> <p>Qəbəlilərin qələbəsi, zirəlilərin məğlubiyyəti fonunda Elmar Baxşıyev “bürünc”ün dadını çıxaracaq. “Qəbələ” “Sabah”ı udsa, “Zirə” isə “Şamaxı” ilə bərabərə qalsa, belədə xalla bərabərləşəcək – 47.</p><p>Xallar bərabər olacağı təqdirdə medal üçün üstünlük bu komandaların öz aralarındakı görüşdə ən çox xal toplayana veriləcək.<br /> Maraqlıdır, bu baxımdan vəziyyət necədir?</p><p>Üstünlük birmənalı bölgə təmsilçisinin tərəfindədir.</p><p>“Qırmızı-qaralar” cari mövsümdə bu rəqiblə Zirədə oynadığı hər iki matçdan üstün ayrılıb – 2:1, 3:0. Qəbələdəki görüşlərdə isə bərabərliklər olub – 1:1, 0:0.</p><p>Bu, o anlama gəlir ki, “Zirə” “Şamaxı” ilə qarşılaşmada heç-heçə edəcəyi, “Qəbələ” isə “Sabah”ı udacağı halda bürünc medallar bölgə təmsilçisinə qismət olacaq.</p><p><strong>HƏBİB</strong></p>
<p>“Qarabağ”lı futbolçuların arasında sıx dostluq bağlarının olması danılmaz faktdır.</p><p>Komandada ayrı-ayrı ölkələrdən olan futbolçular arasında qruplaşma hiss olunmur, biri digərini görməməzlikdən gəlmir.</p><p>İndiyə qədər kollektivdə sağlam əhval-ruhiyyənin olması ilə bağlı saysız faktlara rast gəlmişik. Bu dəfə xoş görüntü braziliyalı Kadi Borgeslə əslən mərakeşli fransız Abdullah Zubir arasında yaşanıb.</p><p>Borges “instagram” hesabında “köhlən atlar”ın mayın 17-də “Dreamland”da baş tutan tədbirində Abdullah ilə çəkdirdiyi şəklini paylaşaraq altına bu sözləri yazıb:</p><p>“İndiyə qədər gördüyüm ən yaxşılardan biri. Sənin yanında bundan həzz almaq xoşdur”.</p><p>Zubirin cavabı özünü çox gözlətməyib. Sol cinahın “ağa”sı sol cinahın “usta”sına təxminən eyni cür cavab verib:</p> <p>“Sən ən yaxşısan! Daha bir neçə il səninlə oynamağı arzulayıram, mənim qardaşım. Sənə həyatında ən gözəl şeyləri arzulayıram”.</p><p>Abdullahla Kadi “Qarabağ”ın topla rəftarı sevən ən texnikalı futbolçuları hesab olunur.</p><p>HƏBİB / SPORTİNFO.AZ</p>
<p>Qazaxıstanın millisi Millətlər Liqasının Azərbaycanla ilk oyunu ərəfəsində sıralarını yeni milliləşdirilmiş futbolçu ilə gücləndirə bilər.</p><p><strong>Sportinfo.az </strong>xəbər verir ki, söhbət "Axmat"ının rusiyalı hücumçusu İdris Umayevin Qazaxıstan millisinə cəlb olunmasından gedir.</p><p>Millinin yeni çalışdırıcısı Maqomed Adiyev məsələ haqda vesti.kz saytına açıqlama verib:</p><p>"Umayev özü millimizdə oynamaq istəyir. Mənə dedi ki, Qazaxıstan vətəndaşlığına sahib olaraq, millidə oynamaq istəyərəm.</p> <p>Dedi ki, siz də oradasınız. İdrisin istəyi var, məsələ müzakirə mövzusudu".</p>
<p>European Football Academy (EFA) ilə “Peruca” Futbol Akademiyası arasında əldə edilmiş razılaşmaların reallaşdırılması istiqamətində əməli addımların atılmasına başlanılıb.</p><p>Gələn ay 5 azərbaycanlı gənc futbolçu İtaliyaya - məşhur klubun düşərgəsinə yollanacaq.</p><p>Artıq onlardan birinin adı məlumdur - EFA-nın U-15 komandasından Toğrul Haqverdiyev “Peruca”nın seçmələrinə qatılacaq. Seleksiya xarakterli səfər 20-25 iyun aralığında keçiriləcək.</p><p>25-29 aprel tarixində “Peruca” Futbol Akademiyası ilə keçirilən görüşlərdə alınan razılaşmalara əsasən, EFA-nın yetirmələri İtaliyada klubunda çıxış edə biləcək.</p> <p><strong>SPORTİNFO.AZ</strong></p>
<p>Mayın 20-də ölkə futbol ictimaiyyətinin gözləri Şamaxıda olacaq.</p><p>Region Liqasının final qarşılaşmasında “Cəbrayıl”la “Xa Lənkəran” üz-üzə gələcək ki, bununla da gərgin keçən mövsümün qalibi bilinəcək.</p><p>“Araz Naxçıvan”a məlum səbəbdən texniki məğlubiyyət verilməsinə görə “Xan Lənkəran”ın finala buraxılması cənub bölgəsində canlanmanın yaranmasına səbəb olub.</p><p>Klub rəhbərliyi cümə günü Şamaxı şəhər stadionunda Lənkəran ab-havası yaratmaq niyyətindədir. Bunun üçün azarkeşlərə avtobuslar ayrılıb.</p><p>Belə ki, final günü səhər saatlarında Lənkərandan 4 avtobus azarkeş Şamaxı istiqamətinə yola düşəcək.</p><p>Əlavə 2 avtobus isə Bakıdan bölgəyə yön alacaq. Avtobusların xərcini klubun prezidenti Pərviz Hüseynov qarşılayacaq.</p><p>“Xan Lənkəran”ın addımının qarşısında “Cəbrayıl” susmaq niyyətində deyil. İşğaldan azad olunmuş rayonu təmsil edən komandanı Şamaxıda 200-dən artıq azarkeş dəstəkləyəcək.</p> <p>Bunun üçün oyun günü Biləsuvardan – Cəbrayıl köçkünlərinin ən çox məskunlaşdığı ərazidən 70-80 nəfərlik, yəni 2 avtobus azarkeş dəstəsi yola düşəcək. Əlavə 2 avtobus fanat isə Bakını Şamaxıya dəyişəcək.</p><p>Şəxsi avtomobilləri ilə də finalda “Cəbrayıl”a dəstək vermək üçün yola çıxacaq futbolsevərləri də nəzərə alsaq, həlledici qarşılaşmada tribunalarda hansı ab-havanın yaşanacağını təsəvvür etmək çətin deyil.</p><p>Mayın 20-də “Cəbrayıl”la “Xan Lənkəran” arasındakı final görüşü saat 16:00-da başlayacaq.</p><p><strong>HƏBİB / SPORTİNFO.AZ</strong></p>
<p><strong>Əziz oxucular!</strong></p><p>"Sportinfo"nun "Youtube" kanalı artıq fəaliyyətini bərpa edib.</p><p>Azərbaycanın tanınmış jurnalistlərindən Elçin Cəfərovun təqdimatında bir-birindən maraqlı layihələrlə görüşünüzə gəlməyi planlaşdırırıq.</p><p>Sizdən aşağıdakı linkə daxil olaraq, "Sportinfo TV"nin "Youtube" səhifəsinə abunə olmağınızı xahiş edirik.</p> <p><strong><a href="https://youtube.com/channel/UC98GRKekAsxoEJuiOHQ6udw?fbclid=IwAR1izdgOJ7hbhxWgOgEjarQZpo1VOqibiwbYyjtOHPolHKeNj7YGmDyQ0ao" rel="nofollow" noopener" role="link" tabindex="0" target="_blank">https://youtube.com/channel/UC98GRKekAsxoEJuiOHQ6udw</a></strong></p>
<p>"Qəbələ" yeni mövsüm üçün ilk transferini həyata keçirib.</p><p>Belə ki, bölgə klubu "Şamaxı"dan ayrılan İlkin Qırtımovu heyətinə qatıb.</p><p>Bütün məsələlərdə razılıq əldə olunan təcrübəli oyunçu ilə bir illik müqavilə imzalanacaq.</p><p>31 yaşlı futbolçu karyerası ərzində "Simurq", "Zirə", "Neftçi" və "Şamaxı"nın şərəfini qoruyub.</p> <p><strong>SPORTİNFO.AZ</strong></p>
<p>PSJ mövsümü klub rekordu olan 700 milyon avro gəlirlə başa vuracaq.</p><p><strong>Sportinfo.az</strong> xəbər verir ki, bu göstərici Paris klubunun gəlirinin 637,3 milyon avro təşkil etdiyi 2018/19 mövsümünün nəticəsini üstələyir.</p><p>Xəbərdə bildirilir ki, argentinalı hücumçu Lionel Messi ilə müqavilə imzaladıqdan sonra PSJ-nin 11 yeni sponsorluq tərəfdaşı var. Buradan ümumi gəlir 310 milyon avroya çatmalıdır.</p><p>Eyni zamanda, 34 yaşlı argentinalının transferi forma satışına da təsir edib. Satılan formaların ümumi sayı 1 milyon ədəd olub. Onların 60 faizi Messinin adı ilə olan formalardır.</p> <p>Oyunlardan gəlir də ötən mövsümdəki 93 milyon avrodan bu il 132 milyon avroya yüksəlib. Gəlirlərin 2022/23 mövsümündə artmağa davam edəcəyi gözlənilir.</p>
<p>“Liverpul”un keçmiş baş məşqçisi Rafael Benites komandasının Yurgen Kloppun hazırkı komandası ilə müqayisə edilməməsinin səbəbini açıqlayıb.</p><p><strong>Sportinfo.az</strong> xəbər verir ki, ispaniyalı mütəxəssis müqayisənin uğursuz olacağını bildirib:</p><p>“Mənim “Liverpul”umla Kloppun komandasını müqayisə edə bilməzsiz. Onda mənim 20 milyon avro büdcəm var idi. Mənə deyə bilərsizmi ki, “Liverpul” indi bu məbləğə kimləri ala bilər? Heç kimi!”</p><p>Benites 2004-2011-ci illərdə “Liverpul”u çalışdırıb.</p> <p>“Liverpul” cari mövsümdə Premyer Liqada lider “Mançester Siti”dən bir xal geri qalaraq, ikinci yerdədir.</p>
<p>Azərbaycan-Ermənistan sərhədinin delimitasiyası üzrə komissiyanın görüşləri baş tutmayıb:</p><p>Əliyevin sözlərinə görə, İrəvan aprelin 29-da ilk görüşdən, 7-11 may tarixində ikinci görüşdən imtina edib;</p><p>Komissiyanın 16-17 may tarixində Moskvada keçiriləcəyi gözlənilən ilk görüşü də alınmayıb.</p><p>Ermənistan xarici işlər naziri Ararat Mirzoyan bunu “texniki detalların razılaşdırılması” ilə əlaqələndirib və qeyd edib ki, yaxın günlərdə, yaxud həftələrdə təmaslar davam edəcək.</p><p>İrəvanın “texniki detal” bəhanəsi ilə prosesi uzatdığı, bununla “güzgü prinsipi”nin tətbiqinə - Azərbaycan ordusunun faktiki çıxdığı sərhəd xəttindən geri çəkilməsinə nail olmaq istəyir. Bakı bundan imtina edir və ordunun mövqeyi yalnız delimitasiya prosesinə uyğun dəyişə bilər.</p><p>Bəs, Ermənistan nəyə ümid edir?</p><p>Prosesin uzadılması bu sualı da ön plana çıxarır və cavabı müəyyən mənada Mariya Zaxarovanın son açıqlamasında tapmaq mümkündür.</p><p>Zaxarova bildirir ki, “sərhəddə insidentlərin qarşısını almaq üçün delimitasiya üzrə komissiyanın işə başlaması lazımdır və bu komissiyanın tərkibində “təmas qrupu” kimi etimad mexanizmləri yaradıla bilər”.</p> <p>Bu o deməkdir ki, Rusiya delimitasiya prosesində təkcə “konsultativ yardımla” yox, praktiki olaraq birbaşa iştirak etmək niyyətindədir. “Təmas qrupu”nun yaradılması istəyi də bundan qaynaqlanır və açıqlamalardan belə nəticə çıxır ki, Düşənbədə keçirilən Lavrov-Bayramov-Mirzoyan görüşündə müzakirə edilən məsələlərdən biri də bu olub: etimad mexanizmlərinin yaradılması – bu “təmas qrupu”, yaxud başqa formada ola bilər;</p><p>“Təmas qrupu” yaradılması ilə Rusiya sərhəd məsələsinin həllində praktiki iştirak və sərhəddə toqquşmalara müdaxilə etmək imkanı qazana bilər. Bunu keçmiş Qarabağ münaqişəsi dövründə təklif edilən “atəşkəsə nəzarət mexanizmi”nin başqa forması kimi də anlamaq mümkündür: belə bir mexanizm toqquşmaların qarşısını almaqla yanaşı, Bakının prosesi tormuzlayan İrəvana qarşı mümkün məcburetmə addımlarını da məhdudlaşdıra bilər;</p><p>Və mümkündür ki, Rusiya “təmas qrupu”nun yaradılması üçün “sərhəddə sabitliyin təmin edilməsi və etimad mexanizmlərinin yaradılması” adı ilə Ermənistanın istədiyi “güzgü prinsipi”nin tətbiqindən yana mövqe sərgiləsin: bu, Azərbaycanın ordunu faktiki çıxdığı sərhəd xəttindən geri çəkməsi deməkdir; görünür, prosesi uzadan Ermənistan istəyinə nail olmaq üçün hadisələrin bu məcrada inkişafına ümid edir;</p><p>Sərhəddə mümkün yeni toqquşmalar da ruslara “təmas qrupu”, ermənilərə “güzgü prinsipi” üçün əsaslar yaradılması baxımından sərfəlidir.</p><p><iframe allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen="" frame height="415" scrolling="no" src="https://www.youtube.com/embed/wM2rtGkhpuw" title="YouTube" video player" width="650"></iframe></p>
<p>Azərbaycan Premyer Liqasında 2021/2022 mövsümünün son turunun bütün təyinatları bəlli olub.</p><p><strong>Sportinfo.az</strong> Peşəkar Futbol Liqasının rəsmi saytına istinadən xəbər verir ki, “Qarabağ” – “Neftçi” oyununu Fərid Hacıyev idarə edəcək.</p><p><strong>21 may (şənbə)</strong></p><p><strong>17:00. “Zirə” – “Şamaxı”</strong><br /> Hakimlər: Rauf Allahverdiyev, Pərvin Talıbov, Cavanşir Yusifov, Vüqar Həsənli<br /> Hakim-inspektor: Babək Quliyev<br /> AFFA nümayəndəsi: Əsgər Əmirəliyev<br /> Zirə İdman Kompleksinin stadionu, 17:00 <strong>(canlı/CBC Sport)</strong></p><p><strong>17:00. “Qəbələ” – “Sabah”</strong><br /> Hakimlər: Əliyar Ağayev, Zeynal Zeynalov, Akif Əmirəli, Rövşən Rəcəbov<br /> Hakim-inspektor: Orxan Məmmədov<br /> AFFA nümayəndəsi: Bəhram Qurbanov<br /> Qəbələ şəhər stadionu, <strong>(pfl.az/canlı)</strong></p> <p><strong>19:00. “Sumqayıt” – “Səbail”</strong><br /> Hakimlər: Rəvan Həmzəzadə, Namiq Hüseynov, Rahil Ramazanov, Tural Qurbanov<br /> Hakim-inspektor: Ramil Diniyev<br /> AFFA nümayəndəsi: Rüfət Əmirov<br /> “Kapital Bank Arena”</p><p><strong>19:30. “Qarabağ” – “Neftçi”</strong><br /> Hakimlər: Fərid Hacıyev, Kamran Bayramov, Müslüm Əliyev, Kamranbəy Rəhimov<br /> Hakim-inspektor: Vüsal Əliyev<br /> AFFA nümayəndəsi: Elgiz Abbasov<br /> “Azersun Arena <strong>(canlı/CBC Sport)</strong></p>
<p>“Demək olar bütün məsələləri müzakirə etmişik, indi cavab gözləyirəm“.</p><p>Bu sözləri <strong>Sportinfo.az</strong>-a açıqlamasında “Turan Tovuz“un sükanı arxasına keçməyə hazırlaşan “Sumqayıt“ın sabiq baş məşqçisi Ayxan Abbasov deyib.</p><p>Yeni mövsümdən Premyer Liqada çıxış edəcək “Turan Tovuz”un Müşahidə Şurasının növbəti iclası keçirilib.</p><p>Aparılan müzakirələrdən sonra namizədlər arasından Ayxan Abbasovun klubun strategiyasına daha uyğun olduğu vurğulanıb.Gənc mütəxəssis danışıqlar zamanı fikirlərin üst-üstə düşdüyünü bildirib:</p><p>“Əsas odur ki, klub rəhbərliyi mənim nə iş görmək istədiyimi yaxşı başa düşür. Bilirlər ki, səbr göstərmək lazımdır.</p><p>“Turan“ 9 ildən sonra Premyer Liqaya qayıdır, birdən-birə hər şeyi ideal səviyyədə qurmaq mümkün deyil. İlk növbədə əzmkar komanda yaratmalıyıq.</p> <p>Bəli, klubun büdcəsi ilə maraqlanmışam. Bilirəm ki, əlavə sponsorlar da cəlb olunması gözlənilir. Hər şey plan üzrə getsə, “Turan“ın maliyyə vəziyyəti normal olacaq.</p><p>İki-üç gün ərzində təkrar görüşüb danışacağıq. Ümid edirəm ki, bir problem ortaya çıxmayacaq.</p><p>Tovuz mənə doğma yerdir. Vaxtilə futbolçu kimi orada oynamışam. Tovuzlu azarkeşləri tanıyıram, onlara böyük hörmətim var.</p><p>Futbolu yaxşı bilirlər, tələbkardırlar. Həmişə komandanın arxasında dayanırlar. Biz də əlimizdən gələni edəcəyik ki, Tovuz camaatını sevindirək“.</p>