Makron: Fransa Çinin Rusiya ilə uzunmüddətli münasibətlərinə hörmət edir

Paris Pekin və Moskva arasında mövcud olan uzunmüddətli əlaqələrə hörmətlə yanaşır. 

"Operativ Media" xəbər verir ki, bunu Fransa prezidenti Emmanuel Makron Çin prezidenti Si Cinpinlə birgə mətbuat konfransında deyib.

"Biz Çin və Rusiyanı birləşdirən uzunmüddətli əlaqələrə və bu münasibətləri sabitləşdirmək üçün onilliklər ərzində göstərilən səylərə hörmətlə yanaşırıq", - deyə Makron Si Cinpinə bildirib və əlavə edib ki, səfər Putin Pekinə gəlməmişdən əvvəl baş tutub.

Onun sözlərinə görə, Parisə səfər zamanı Fransa və Çinin Ukrayna böhranının həlli iradəsi ilə bağlı ümumi gündəliyi müzakirə etmək imkanı var.