Alimlər Kainatın cazibə qüvvəsində “kosmik nasazlıq” aşkar ediblər

Vaterloo Universiteti və Britaniya Kolumbiyası Universitetindən bir qrup kanadalı alim Kainatın cazibə qüvvəsində potensial “nöqsan” aşkar ediblər. Məlum oldu ki, böyük məsafədə qravitasiya təsiri zəifləməyə başlayır.
32gun.az bildirir ki, Tədqiqat “Journal of Cosmology and Astroparticle Physics” (JCAP) elmi nəşrində dərc olunub.

Son 100 ildə fiziklər kosmosda cazibə qüvvəsinin necə işlədiyini izah etmək üçün Albert Eynşteynin ümumi nisbilik nəzəriyyəsinə (GR) istinad edirdilər. Ümumi Nisbilik nəzəriyyəsi cazibə qüvvəsinin təkcə üç fiziki ölçüyə deyil, həm də dördüncü, yəni zamana təsir etdiyini göstərir.

“Biz kosmik miqyasda, qalaktika klasterləri miqyasında və ondan kənarda cazibə qüvvəsini anlamağa çalışdığımız zaman ümumi nisbilik nəzəriyyəsinin proqnozları ilə aşkar uyğunsuzluqlarla qarşılaşırıq. Biz bu uyğunsuzluğu “kosmik nasazlıq” adlandırırıq: cazibə qüvvəsi milyardlarla işıq ili məsafələrində təxminən 1% zəifləyir” deyə layihənin aparıcı müəllifi Robin Ven izah edib.

Alimlərin fikrincə, səbəb Kainatın özünün genişlənməsi ilə bağlı ola bilər və qalaktikalar nə qədər uzaq olarsa, bir o qədər sürətlə hərəkət edir, işıq sürətinə yaxınlaşır.

Komanda kosmoloji ölçmələrdəki uyğunsuzluğu aradan qaldırmaq üçün yeni riyazi model hazırlamaq üzərində işləyir.
Nilay

• tags
• tags