Əməkdar mədəniyyət işçisi, xanəndə Qəzənfər Abbasov muğam ifaçısı Pərviz Qasımovun ictimai qınağa tuş gələn səhnə geyiminə münasibət bildirib.
Publika.az xəbər verir ki, xanəndə bu barədə "Qaynarinfo"ya açıqlama verib.
O bildirib ki, bu zəmanədə kiminsə geyiminə qadağa qoymaq mümkün deyil:
“Pərviz Qasımov necə istəyirsə, elə də geyinsin. Onsuz da bu saat müğənni qadınlar necə gəldi geyinirlər. Kişilər də belə geyinib səhnəyə çıxanda söz-söhbətə səbəb olur. Olsun, nə edək? Kiməsə geyiminə görə heç nə edə bilmərik. Amma buna baxmayaraq, biz bütün muğam ifaçılarına deyirik ki, səhnəyə səhnə geyimində çıxmaq lazımdır. Qadınlar da gözəl formada geyinməlidirlər, açıq-saçıq olmaz və s. Kim necə geyinir özü bilər. Geyim haqqında qadağa yoxdur. Dərsə gələndə də necə gəldi geyinirlər”.
