Türkiyənin Tokat rayonunda baş verən zəlzələdə dağıntılar qeydə alınıb, 5 nəfər yaralanıb.
Musavat.com xəbər verir ki, bu barədə AFAD məlumat yayıb.
AFAD tərəfindən verilən məlumatda aşağıdakı ifadələr yer alıb: AFAD, Jandarma, Polis qrupları və digər təyinatlı personalla Tokat və Yozgat vilayətlərində sahələrdə araşdırmalar aparılır və Tokatda insan itkisi yoxdur.
Tokat rayonunda 2 yaşayış evi, 5 tövlə və 2 minarəyə ziyan dəyib.
Sivas, Samsun, Ərzurum, Çorum və Amasyaya da AFAD qrupları cəlb edilib.
Yozqatda 2 mərtəbəli bina uçub, 8 kənddə cüzi dağıntılar baş verib. AFAD qrupları Ankara, Çankırı, Kayseri, Amasya, Nevşehir və Kırıkkaleyə göndərilib. Təhlükəsizlik Baş İdarəsindən 1 helikopter və Jandarmadan 1 İHA Yozgat və Tokat vilayətlərinə göndərilib.
Tokat rayonunda zəlzələ zamanı panikaya düşərək qaçmağa çalışan 5 nəfər yaralanıb.
Qeyd edək ki, bu gün axşam saatlarında Türkiyənin Tokat vilayətində 5,6 bal gücündə zəlzələ olub. Zəlzələ ətraf rayonlarda da hiss olunub.
Musavat.com