"Heyf, Jirinovski bu günləri görmədi" - Elxan Şahinoğlu

Bakupost.az xəbər verir ki, bunu politoloq Elxan Şahinoğlu bildirib.

Onun sözlərinə görə bir müddət sonra Rusiya-Türkiyə Birgə Monitorinq mərkəzinin də fəalyyətinə son qoyulacaq:

“Rusiya hərbi kontingenti Qarabağa ayaq basan kimi ermənilər rus hərbçilərini gül-çiçəklə, tortla qarşılamışdılar. Onlar da Jirinovski kimi düşünürdülər ki, Rusiya hərbi kontingenti bölgədə əbədi qalacaq və separatizmə dəstək olacaq. 19 sentyabr 2023-cü il anti-terror əməliyyatı ermənilərin illüziyalarına son qoydu. Erməniləri Qarabağa 200 il əvvəl Rusiya imperiyası köçürmüşdü. Erməniləri silahlandıran da Rusiya imperiyası olmuşdu. SSRİ dövründə də Moskva erməniləri himayə edir və yenidənqurmanın son illərində yenidən onları silahlandırmışdı. Xocalı soyqırımında Rusiyaya bağlı tank alayı iştirak etmişdi. 2020-ci ilin sentyabrında Qarabağa ayaq basan rusiyalı hərbçilər yenə də keçmişdə olduğu kimi separatçılarla əlbir oldular, hərbi texnikalarını müşayiət edirdilər. Hamısı bitdi, Rusiya bazalarının, hərbi kontingentlərinin Azərbaycanda varlığı dövrü geridə qaldı, bircə qaldı Ağdamda fəaliyyət göstərən Rusiya-Türkiyə birgə monitorinq mərkəzi, onun da fəaliyyətinə bir müddət sonra xitam veriləcək”.

“Burda birinci amil Ukrayna müharibəsidir. Eyni zamanda Paşinyanın Rusiyanı qıcıqlandıran siyasətinin də təsiri olub. Digər tərəfdən Ukrayna müharibəsinə görə beynəlxalq aləmdən təcrid olunan Kreml Bakı ilə münasibətləri gərginləşdirmək istəmir”.