Мир

Borrell: “Bir ildən sonra gec olacaq” - Foto

reyting.az

16:38 16.04.2024

Smartbee
Пожаловаться

Avropa İttifaqının (Aİ) baş diplomatı Josep Borrell Kiyevin Moskvanın yeni mümkün hücumlarından enerji obyektlərini qorumaq üçün kifayət qədər raketlərə malik olmadığını nəzərə alaraq, Ukraynanın xarab olmuş Tripilya İES-i ilə bağlı nə etməli olduğunu qiymətləndirib.

Reyting.az bildirir ki, Aİ-nın ali nümayəndəsi Ukraynanın bərpası üçün pul saymazdan əvvəl görülməli olan işlərdən bəhs edib.

Onun sözlərinə görə, Kiyevə “Patriot” sistemləri vermək elektrik stansiyalarını sonradan bərpa etməkdən daha ucuzdur.

“Ukraynanın yenidən qurulmasından danışmazdan əvvəl onun məhvindən qaçmalıyıq. “Patriot” sistemlərini almaq, rusların hədəf götürdüyü elektrik stansiyasını yenidən qurmaqdan daha ucuz başa gəlir”, - o deyib.

Borrell hesab edir ki, bir ildən sonra belə şeylər haqqında düşünmək çox gec ola bilər. Rəsmi əmindir ki, bütün Aİ ölkələri Kiyev qarşısında yardım öhdəliklərini yerinə yetirmək üçün daha çox sərmayə yatıra bilər.

Fransa, Almaniya və ya başqa bir Aİ ölkəsinin səylərini müqayisə etməyin mənası yoxdur. Borrell bildirib ki, ortaq mövqeyin ortaya çıxması vacibdir: “Mənim vəzifəm bu və ya digər ölkəyə barmaq göstərmək deyil, ümumi mövqe mənim üçün vacibdir”.

Qeyd edək ki, Ukrayna prezidenti Zelenski Tripilya İstilik Elektrik Stansiyasının dağıdılmasının təfərrüatlarını açıqlayarkən deyib ki, Rusiya stansiyaya 11 raket atıb. Bu raketlərdən 7-si vurulub, lakin digər döyüş başlıqları üçün kifayət qədər raket yoxdur.

V. QULİYEV

Избранный