Bu ilin yanvar-fevral ayları ərzində Aqrar Kredit və İnkişaf Agentliyi (AKİA) tərəfindən 2492 kənd təsərrüfatı texnikasının satışı maliyyələşdirilib ki, bu da bir il öncəki göstəricini 5,1 dəfə üstələyir.
FED.az xəbər verir ki, Aqrar Tədqiqatlar Mərkəzinin hesabatı əsasında aparılan hesablamalara görə, cari ilin ilk iki ayında aqrar sektorda fəaliyyət göstərən 449 fiziki və hüquqi şəxsə 10,5 milyon manat məbləğində texnika və avadanlıq təyinatlı güzəştli kredit verilib. 2023-cü ilin yanvar-fevral aylarına nisbətdə güzəştli kredit alanların sayı 2,7 dəfə (285 nəfər), kredit məbləği isə 2,9 dəfə (6,9 milyon manat) artıb. (Azərbaycan iqtisadiyyatı, Teleqram kanalı)
