EN

Məktəblərdə psixoloji-tibbi-pedaqoji komissiyaların yeni tərkibinin formalaşdırılması ilə bağlı imtahan keçiriləcək

Bakı Şəhəri üzrə Təhsil İdarəsi (BŞTİ) tərəfindən psixoloji-tibbi-pedaqoji komissiyaların yeni tərkibinin formalaşdırılması ilə bağlı elan edilən müsabiqənin test imtahanı mərhələsinin vaxtı açıqlanıb.

BŞTİ-dən APA-ya verilən xəbərə görə, müsabiqənin test imtahanı mərhələsi mayın 23-də paytaxtdakı 158 nömrəli tam orta məktəbdə keçiriləcək.

Müsabiqənin test imtahanı mərhələsinə dəvət ediləcək şəxslərin elektron poçt ünvanlarına imtahanın keçirilmə saatı və məkanı haqqında məlumat göndərilib.

İmtahanda namizədlərə 30 sual təqdim olunacaq. Müsabiqədə maksimum nəticə 60 bal, keçid həddi isə 35 bal müəyyənləşdirilib. 35 və daha çox bal toplayan namizədlər müsahibə mərhələsinə dəvət ediləcəklər.

Namizədlər imtahana gələrkən şəxsiyyəti təsdiq edən sənədi və imtahana buraxılışla bağlı elektron poçt ünvanına göndərilən məlumatı çap edərək təqdim etməlidirlər.

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Chosen
102
3
apa.az

4Sources