Xilasedicilər Göygöldə çətin keçilən ərazidən bir nəfərin meyitini çıxarıblar
Fövqəladə Hallar Nazirliyinin "112" qaynar telefon xəttinə Göygöl rayonu, Qızılca kəndində bir nəfərin meyitinin çətin keçilən ərazidən çıxarılmasına köməklik göstərilməsi üçün müraciət daxil olub.
Bu barədə Sonxeber.az-a FHN-dən bildirilib.
Vurğulanıb ki, müraciətlə əlaqədar Gəncə Regional Mərkəzinin xilasetmə qüvvələri çağırış üzrə cəlb olunub.
Həyata keçirilən tədbirlər nəticəsində meyit çətin keçilən ərazidən çıxarılaraq aidiyyəti üzrə təhvil verilib.
