"Bildiyimizə görə, onlarla oyunumuzdan sonra orada baş məşqçi dəyişdi"
- Smartbee
- Report
16 yaşadək futbolçulardan ibarət Azərbaycan yığmasının məşqçisi Aleksandr Qross Belarusun Minsk şəhərində UEFA-nın inkişaf turnirinin 2-ci oyununda Özbəkistana məğlubiyyəti (0:2) şərh edib.
Sportinfo.az xəbər verir ki, Belarus Futbol Federasiyasının rəsmi saytına açıqlama verən Qross bunları deyib:
"İlk hissədə yaxşı oynadıq. Standart vəziyyətdən qol buraxdıq, daha sonra oyunu bərabərləşdirdik və bəlkə də rəqibdən üstün oynamağa başladıq.
Şanslar var idi, lakin hesabı bərabərləşdirmək üçün istifadə edə bilmədik. Rəqib ikinci qol üçün oynadı. Növbəti oyuna hazırlaşacağıq.
Tacikistan yığması? Bildiyimizə görə, onlarla son oyunumuzdan sonra orada baş məşqçi dəyişdi. Ola bilsin ki, onların oyuna yeni baxışı var".
Millimiz ilk görüşdə isə Belarusa 0:4 hesabı ilə uduzub.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
