Almaniya səfiri Çin Xarici İşlər Nazirliyinə çağırılıb.
APA xəbər verir ki, bu barədə səfir Patrisiya Flor "X" hesabında məlumat verib.
"Bu həftə 4 alman Çin məxfi xidmət orqanlarına casusluq ittihamı ilə həbs edildikdən sonra bu gün məni XİN-ə çağırdılar. Hansı ölkədən gəlməsindən asılı olmayaraq Almaniyada casusluğa dözmürük. Biz demokratiyamızı və konstitusional dövlətimizi konstitusiya vasitələri ilə qoruyuruq. Federal Baş Prokuror təhqiqat aparır və sonda ittihamlara müstəqil məhkəmə qərar verəcək", - səfir vurğulayıb.