Beynəlxalq reytinq agentliyi Standard & Poor’s (S&P) İranla münasibətlərin pisləşməsi fonunda İsrailin uzunmüddətli kredit reytinqini “AA-“dən “A+”-a endirib.
NOCOMMENT.az xəbər verir ki, bu barədə TASS məlumat yayıb.
Qeyd olunur ki, İsrailin uzunmüddətli kredit reytinqləri həm xarici, həm də yerli valyutada “AA-”dan “A+”ya, qısamüddətli isə “A-1+”dan “A-1”ə endirilib.
“Uzunmüddətli reytinqlər üzrə proqnoz neqativdir”, – S&P-nin açıqlamasında deyilir.
Onlar qeyd ediblər ki, yəhudi dövlətinin dövlət büdcəsinin kəsiri 2024-cü ildə ÜDM-in 8%-nə qədər artacaq, bunun əsas səbəbi müdafiə xərclərinin artmasıdır.
Reytinqin aşağı salınması İranın öz ərazisinə etdiyi hücumlardan sonra İsrailin üzləşdiyi geosiyasi risklərin artması ilə bağlıdır.
