Bellinqem: "Oyunun sonunda ayaqlarım ölmüşdü"

"Real"ın yarımmüdafiəçisi Cud Bellinqem ötən gün Çempionlar Liqasının 1/4 finalında "Mançester Siti" səddini adlayaraq yarımfinala yüksəlməkləri barədə danışıb. 

QOL.az xəbər verir ki, bu komandalar arasında ilk matç 3:3 hesabı ilə yekunlaşıb. Ötən gün keçirilən cavab oyununun əsas və əlavə vaxtında da qalib müəyyənləşməyib - 1:1. "Real" penaltilər seriyasında rəqibini məğlub edərək (4:3) mərhələ adlayıb.

120 dəqiqə meydanda olan Bellinqem görüşdən sonra açıqlamasında matçın çox çətin keçdiyini söyləyib: "Belə bir qələbədən sonra insan özünü rahat hiss edir. Bu oyunda əlimizdən gələn hər şeyi etdik. Mən əvvəllər də "Mançester Siti"yə qarşı oynamışam. Onlar insanı tamamilə yorurlar. Oyunun sonunda ayaqlarım ölmüşdü. Bu, çox çətindir. Rəqib topa sahib olmağa davam edir və bizi hərəkətə gətirirdilər. Əksər komandalar belə təzyiqə dözməzdilər. Amma biz çox yaxşı mübarizə apardıq. Ümid edirəm ki, belə unudulmaz gecələrimiz daha çox olacaq.

Qeyd edək ki, "Real" Çempionlar Liqasının yarımfinalında "Bavariya" ilə qarşılaşacaq.