Interview
“Qıza dedim ki, nişanı qaytar, ondan ər olmayacaq...” - Eyyub Hüseynov
17:57 17.04.2024
- Smartbee
- Report
“Azərbaycan nənələri, babaları, ataları nəvələrini, oğullarını əzizləyəndə deyirlər ki, “sənin toyunu görüm”. Ancaq “səni ali məktəbə girən görüm”, “əsgərliyini çəkəsən” kimi ifadələr heç vaxt demirlər. Nə qədər ki, bu düşüncə insanların beynində yaşayır toy biznesi öz mənfur çalarları ilə daim inkişaf edəcək”.
Bunu Bakupost.az -a açıqlamasında Azad İstehlakçılar Birliyinin sədri Eyyub Hüseynov toy biznesi haqda danışarkən deyib.
Ekspertin sözlərinə görə, dəfələrlə bununla bağlı rəhbəri olduğu təşkilata şikayətlər edilir:
“Onlar soruşurlar ki, bu sahədə vəziyyət niyə düzəlmir? Burada tələb təklifi üstələdiyindən vəziyyət düzəlməyəcək. Çünki toyun vaxtını müəyyən etmək üçün şadlıq evlərində insanlar növbəyə durublar. Bu mənfur, insanların pulunu yeyən biznes sürətlə inkişaf edir. Burda şadlıq evi rəhbəri, musiqiçilər və müğənnilər əlbirdirlər. İnsanların verdiyi pulun böyük məbləği demək olar ki, müğənnilərə gedir.
Ümumiyyətlə, toy sahibi elə bilir ki, onun üçün təmtəraqlı toy edirlər. Amma bilmir ki, burda işi elə qurublar insanlar məclisi tez tərk etsin. Bu isə nadanlıq, avamlıqdır. Ağıllı bəy və gəlin dünyada valideynlərini belə bir çətinliyə düçar etməz”.
E.Hüseynov keçmiş çadır toylarına qayıtmağımızın vacib olduğunu hesab edir:
“Mütləq çadır toyları başlamalıdır, bunun üçün bütün şərait yaradılmalıdır. Bununla yanaşı, əhalinin düşüncəsində dəyişiklik olmalıdır. Cehiz məsələsi də bərbad vəziyyətdədir. Təşkilatımıza gələn ana və qız şikayətində bildirdi ki, aldığımız mebelin uzunluğu bir az qısa olduğu üçün oğlan evi nişanı qaytarır. Orda qıza dedim ki, get, özün nişanı qaytar, o oğlandan sənə ər olmaz.
Mən bu sahədə vəziyyətin niyə belə bərbad olduğunu araşdırmaq üçün yaşlı müğənnilərlə söhbət etmişəm. Onlar bildirdilər ki, bu məsələ ilk dəfə Qubanın Qırmızı qəsəbəsindən başlayıb. Amma bu informasiyanın nə qədər dəqiq olduğunu bilmirəm”.
Vasif Əlihüseyn
BakuPost
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Sources
- qlobal.net - “Qıza dedim ki, nişanı qaytar, ondan ər olmayacaq...” ( 5621896)
- paralel.az - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5613010)
- olke.az - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5612440)
- moderator.az - Qıza dedim ki, nişanı qaytar, ondan ər olmayacaq…” – Eyyub Hüseynov ( 5601757)
- musavat.com - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5600857)
- tribunainfo.az - “Qıza dedim ki, nişanı qaytar, ondan ər olmayacaq…” – Eyyub Hüseynov ( 5591041)
- musavat.com - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5590717)
- oxu24.com - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5590618)
- moderator.az - “Qıza dedim ki, nişanı qaytar, ondan ər olmayacaq…” – Eyyub Hüseynov ( 5588581)
- milli.az - “Qıza dedim ki, nişanı qaytar, ondan ər olmayacaq...” - Eyyub Hüseynov ( 5586010)
Comment ()
